ବକ୍ସଅଫିସ କଲେକ୍ସନକୁ ନେଇ ଅକ୍ଷୟ ଚିନ୍ତାଶୀଳ କି ? ମିଡିଆର ଏକ ପ୍ରଶ୍ନରେ ଅକ୍ଷୟ କହିଛନ୍ତି ଯେ, ସେ ବ୍ୟବସାୟ ବିଷୟରେ ଭାବିନାହାନ୍ତି ଓ ତାଙ୍କୁ କିଛି ଫରକ ପଡିବନି । ତାଙ୍କ ପାଇଁ ସବୁଠାରୁ ବଡ କଥା ହେଲା, ତାଙ୍କ ଭ୍ୟାନ ବାହାରେ ୩/୪ ଜଣ ଯୁବକ ଯୁବତୀ ବିନା ସଙ୍କୋଚରେ ଋତୁସ୍ରାବ ବିଷୟରେ କରୁଥିବାର ଦେଖିଥିଲେ ଓ ତାଙ୍କ ଭାବନାନୂଯାୟୀ, ଏହି ଫିଲ୍ମର ମୁଖ୍ୟ ଉପଲବ୍ଧି ହେଉଛି ଖୋଲାଖୋଲି ଭାବେ ଚର୍ଚ୍ଚା କରି ଜନସଚେତନତା ସୃଷ୍ଟି କରିବା ।


ଆହୁରି ମଧ୍ୟ ଅକ୍ଷୟ କୁହନ୍ତି ଯେ, ସୋସିଆଲ ମିଡିଆରେ ଲୋକମାନେ ସାନିଟାରୀ ନାପକିନ୍ ପ୍ୟାଡ ଓ ଋତୁସ୍ରାବ ବିଷୟରେ ଚର୍ଚ୍ଚା କରୁଥିବାର ଦେଖି ଫିଲ୍ମରେ ସେ ତାଙ୍କର ପାରିଶ୍ରମିକ ପାଇଯାଇଛନ୍ତି ବୋଲି ଲାଗେ ସେଥିପାଇଁ ବକ୍ସଅଫିସର କାରବାର କଥା ସେ ଭାବିବା ଜରୁରୀ ନୁହେଁ | ଫିଲ୍ମଟି ଦେଶର ଦର୍ଶକଙ୍କୁ ଅନୁପ୍ରାଣିତ କରିବ ବୋଲି ଅକ୍ଷୟ ଆଶାବାଦୀ |

ଦେଶରେ ପ୍ରଥମ ଶସ୍ତା ସାନିଟାରୀ ନାପକିନ ଆବିଷ୍କାରକ 'ଅରୁଣାଚଲମ ମୁରୁଗାନାଥମ'ଙ୍କ ଜୀବନୀକୁ ନେଇ ଫିଲ୍ମ "ପ୍ୟାଡମ୍ୟାନ" ଅକ୍ଷୟ କୁମାର,ସୋନମ କପୁର ଓ ରାଧୀକା ଆପ୍ତେଙ୍କ ଦ୍ୱାରା ଅଭିନୀତ | ନିର୍ଦ୍ଦେଶକ ଆର.ବାଲକୀ ଓ ପ୍ରଯୋଜକ ତଥା ଅକ୍ଷୟଙ୍କ ପତ୍ନୀ ଟ୍ୱିଙ୍କଲ ଖାନ୍ନାଙ୍କ ଦ୍ୱାରା ଏହି ଫିଲ୍ମଟି ଜାନୁୟାରୀ ୨୫ରେ ଫିଲ୍ମ "ପଦ୍ମାବତ" ବିପକ୍ଷରେ ପ୍ରେକ୍ଷାଳୟକୁ ଆସୁଅଛି |